न्यूज अभियान
हरेक खबर विशेष खबर

काठमाडौं, २९ कात्तिक : काठमाडौं, त्रिभुवन अन्तर्राष्ट्रिय विमानस्थलबाट अवैध लागूऔषध गाँजा ३ किलो ५ सय ग्राम सहित भारत उत्तर प्रदेश घर भएका २२ वर्षीय सलमान लाई शनिबार प्रहरीले पक्राउ गरेको छ ।

लागूऔषध नियन्त्रण ब्यूरो शाखा कार्यालय त्रिभुवन अन्तर्राष्ट्रिय विमानस्थलबाट खटिएको प्रहरीले भारतबाट नेपाल आएका उनलाई उक्त गाँजा सहित पक्राउ गरेको हो ।  

यसैगरी काठमाडौं, त्रिभुवन अन्तर्राष्ट्रिय विमानस्थलबाट अवैध लागूऔषध सेतो हेरोइन ५ किलो ५ सय ग्राम सहित भारत पुणे घर भएका ५२ वर्षीय REWARAJ TIGHARE लाई शनिबार प्रहरीले पक्राउ गरेको छ ।

लागूऔषध नियन्त्रण ब्यूरो शाखा कार्यालय त्रिभुवन अन्तर्राष्ट्रिय विमानस्थलबाट खटिएको प्रहरीले थाईल्याण्डबाट नेपाल आएका उनलाई उक्त लागूऔषध सहित पक्राउ गरेको हो । 

झापा, झापा गाउँपालिका-५ खादा बस्तीबाट अवैध लागूऔषध ब्राउनसुगर जस्तो देखिने पदार्थ १६ ग्राम ५४ मिलिग्राम सहित २ जनालाई शनिबार बेलुकी प्रहरीले पक्राउ गरेको छ ।

पक्राउ पर्नेहरूमा शिवसताक्षी नगरपालिका-१ बस्ने २४ वर्षीय बुद्दिराज लिम्बु र सोही नगरपालिका-१ बस्ने २७ वर्षीय कृष्ण प्रसाद खरेल रहेका छन् ।

इलाका प्रहरी कार्यालय कुमरखोद समेतबाट खटिएको प्रहरीले भारतबाट नेपालतर्फ आउँदै गरेको प्र.०१-०१-०१५ प ८५६७ नम्बरको मोटरसाइकलमा सवार उनीहरूलाई उक्त पदार्थ सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।